16 njerëz u vranë nga sulmet ajrore izraelite në Ripin e Gazës thanë zyrtarët palestinezë. Mes viktimave ishin dhe pesë gra dhe katër fëmijë. Një sulm ajror e bëri rrafsh me tokën një shtëpi në kampin e refugjatëve Nuseirat në Gazën qendrore, duke i vrarë së paku 10 njerëz në të, përfshirë katër gra dhe dy fëmijë. Sipas të dhënave të spitalit, në mesin e të vdekurve ishte një nënë dhe fëmija i saj, si dhe pesë motra e vëllezër të saj, raporton Radio Evropa e Lirë. Ushtria izraelite tha se objektiv ishin militantët ndërsa akuzoi edhe njëherë Hamasin dhe grupet e tjera të armatosura se po përdorin civilët si mburojë. Sipsa të dhënave të ministrisë së shëndetësisë në Gaza më shumë se 41 mijë palestinezë janë vrarë në Gaza që nga nisja e konfliktit të armatosur më 7 tetor nga ana e Hamasit. Lufta ka shkaktuar rrënim të madh dhe i ka zhvendosur mbi 90 për qind të banorëve të Gazës prej 2.3 milionë.