Ministria britanike e Mbrojtjes në përditësimin më të fundit të inteligjencës njoftoi se gjithnjë e më shumë raketa SA-5 Gammon po sulmojnë Rusinë dhe se tani dronët po godasin rregullisht Moskën. “Sulmet ndaj Rusisë janë të një rëndësie strategjike sepse Vladimir Putin besonte se lufta në Ukrainë do të kishte pak pasoja të drejtpërdrejta tek njerëzit e zakonshëm në Rusi”, tha ministria. Duke folur për raketat SA-5 Gammon, ministria britanike e mbrojtjes tha se ajo është një armë e kohës sovjetike, me peshë 7.5 tonë dhe 11 metra e gjatë. “Ajo armë nuk i shërben më Ukrainës për mbrojtjen ajrore, por tani me sa duket përdoret si një raketë balistike për sulmet ndaj Rusisë”, raportojnë britanikët. “Presioni ka të ngjarë të bjerë veçanërisht mbi shefin e shtabit të VKS-së, gjenerallejtënant Viktor Afzalov. Komandanti i përgjithshëm i VKS, gjeneral Sergey Surovikin, dyshohet se është arrestuar në lidhje me Ëagnerin. I cili organizoi një kryengritje të shkurtër në muajin qershor”. “Me gamën e kërcënimeve që depërtojnë më tej në Rusi në muajt e fundit në rritje, udhëheqja e Forcave Ajrore Ruse ka të ngjarë të jetë nën presion të konsiderueshëm për të përmirësuar mbrojtjen ajrore mbi pjesët perëndimore të vendit”, shtoi Ministria e Mbrojtjes e Mbretërisë së Bashkuar.