Rradhë të gjata janë krijuar në pikën e kalimit kufitar të Kapshticës dhe Kakavijës. E gjithë kjo situatë është krijuar për shkak se pala greke punon vetëm me dy sportele në hyrje. Në kushte të tilla shtetasit shqiptarë dhe ata që duan të kalojnë në anën tjetër të kufirit kanë qenë të detyruar të presin deri në një orë. Nga ana tjetër policia jonë kufitare, për të përballuar fluksin sidomos në pikën e kalimit kufitar të Kapshticës, punon me 4 sportele. Sipas autoriteteve shqiptare, sportelet alternohen gjatë ditës në varësi të fluksit të krijuar.