Muaj të tërë sulmesh të pandalura të artilerisë ruse kanë shkatërruar një qytet strategjik në Ukrainën lindore dhe pamjet e marra me dronë, ngja agjencitë e lajmeve, tregojnë se vetëm një ndërtesë e vetme ka mbetur në këmbë. Gjithcka tjetër, shtëpi, zyra, biznese etj, janë shkrumbuar në qytetin që dikur kishte një popullatë prej 12 mijë banorësh. Pamjet nga Chasiv Yar ngjasonin me skena apokaliptike. Shkatërrimi ishte i ngjashëm me atë që është parë në qytetet e Bakhmutit dhe Avdiivkas, nga të cilët ukraina u tërhoq pas muajsh luftime të ashpra. Qyteti me rëndësi strategjike është sulmuar nga forcat ruse prej muajsh. Marrja e tij do t'i jepte Rusisë kontrollin e një kodre nga e cila mund të sulmojë qytete të tjera që formojnë shtyllën kurrizore të mbrojtjes lindore të Ukrainës. Kjo do të hapte rrugën për një ofensivë potencialisht më të gjerë ruse që zyrtarët ukrainas thonë se mund të vijë që në fillim të këtij muaji. Rusia nisi një seri sulmesh ndaj trupave ukrainase të Chasiv Yar-it, që kanë mbetur pa municion, ndërkohë që presin që SHBA-ja dhe aleatët e tjerë të sjellin armët e reja. Radhët me blloqe apartamentesh në Chasiv Yar janë nxirë nga zjarret, janë shpuar nga plumbat e predhat ose janë shndërruar në grumbuj mbeturinash. Shtëpitë dhe ndërtesat janë shkatërruar. Kupola e artë e një kishe ka mbetur e paprekur, por ndërtesa duket e dëmtuar rëndë. Asnjë ushtar apo civil nuk shihet në pamjet ekskluzive të asociated press, përvec një njeriu të vetëm që ecte mes një rruge, pas ndërtesave të shkatërruara. Guvernatori rajonal Vadym Filashkin tha të dielën në TV ukrainas se 682 banorë kanë mbajtur në Chasiv Yar dhe jetojnë në "kushte shumë të vështira".