"Nuk është një betejë mes njerëzve dhe pëllumbave", thotë Dr. Marco Pellizzari, një veteriner italian, në një park publik të Barcelonës, ndërsa sheh zogjtë duke përpirë kokrra misri. Por, ushqimi i pëllumbave është përzier me ilaçin nikarbazin. Vetëm 10 g misër të ngrënë çdo ditë do t'i bëjë zogjtë femra dhe meshkuj përkohësisht jopjellorë pas pesë ditësh, duke lëshuar vezë që nuk do të çelin. Kjo është një mënyrë kontrolli e pjellorisë së shpendëve ku kërkuesit dhe aktivistët po kombinojnë përpjekjet për të mbajtur nën kontroll popullatat në shpërthim. Kjo është po ashtu një mënyrë për të reduktuar popullatën pa i vrarë shpendët. Në vitin 2023, spanja miratoi ligje të reja për mirëqënien e kafshëve që ndalonin kapjen apo vrasjen e tyre dhe kërkonin që autoritetet tu jepnin përparësi metodave etike dhe jo vdekjeprurëse.