Temperaturat kanë rënë në -50 gradë celcius këtë javë në Yakutsk, gjatë një vale të gjatë dhe jo normale të ftohti në qytetin siberian të njohur si më i ftohti mbi tokë. I ndodhur 5 mijë km në lindje të moskës, në ngricën e lindjes së largët të Rusisë, banorët e qytetit të minierave shpesh shohin që termometri zbret nën minus 40 gradë celcius. “Mund t’ia dalësh. Duhet të vishesh sic duhet përndryshe e pëson”, thotë Anastasia Gruzdeva, që ka dalë jashtë e mbështjellë me dy shalle të trashë leshi, dy palë doreza dhe një varg kapucësh dhe kapelesh...“Në qytet nuk e ndjen edhe aq të ftohtin. Ndoshta kjo ndodh ngaqë truri të përgatit për gjithë këtë dhe të thotë se cdo gjë është normale”, shton ajo. Një tjetër banore, Nurgusun Starostina, që shet peshk të ngrirë në një treg, pa patur aspak nevojë për një frigorifer apo ngrirës, tha se nuk kishte ndonjë sekret në përballimin e të ftohtit.