Presidenti i SHBA-së, Donald Trump, ka thënë se dëshiron t’i përdorë qytetet amerikane si “fusha stërvitjeje” për ushtrinë. Në një fjalim të pazakontë para qindra udhëheqësve ushtarakë të mbledhur nga e gjithë bota, Trump i përshkroi "trazirat civile" si "armik nga brenda". Ai shtoi se situata "nuk do të dalë jashtë kontrollit sapo të përfshiheni". Kjo vjen pasi Trump vendosi trupa të Gardës Kombëtare në Uashington DC, Los Angeles dhe Portland, Oregon, në një goditje kundër krimit dhe për të mbështetur zbatimin e ligjit për imigracionin. Sekretari i Mbrojtjes, Pete Hegseth, foli gjithashtu, duke deklaruar fundin e kulturës së "zgjuar" në Pentagon dhe duke njoftuar standarde të reja të trajnimit fizik "në nivel mashkullor" për zyrtarët ushtarakë. Presidenti përsëriti kritikat e tij ndaj qyteteve të udhëhequra nga demokratët, përfshirë San Franciskon, Çikagon, Nju Jorkun dhe Los Anxhelosin, dhe tregoi se do të vazhdonte politikën e tij të përdorimit të ushtrisë për zbatimin e ligjit.