Komisioneri EUropian për Zgjerim dhe Fqinjësi, Oliver Varhelyi ka deklaruar se është nxjerrë jashtë kontekstit dhe është keqkuptuar për komentet e tij, një ditë pasi u dëgjua në sallën e Parlamentit Europian teksa i quante disa eurodeputetë “idiotë”. Gjatë debatit për zgjerimin dhe me mikrofonin i tij ende të ndezur, Varhelyi iu drejtua shefit të kabinetit të tij në gjuhën e tij hungareze me pyetjen: "edhe sa idiotë kanë mbetur?". Kjo pyetje i referohej numrit të përfaqësuesve që do t'i bënin pyetje lidhur me ndikmin e Rusisë në Ballkan. Zëdhënësi i Komisionit Evropian, Eric Mamer, i pyetur nga gazetarët se çfarë ka ndërmarrë presidentja e Komisionit Evropian Ursula von der Leyen pas këtij incidenti, tha se “ajo pret nga të gjithë anëtarët e Komisionit Evropian të tregojnë respekt ndaj të gjitha institucioneve të BE-së dhe të shmangin sjelljet të cilat mund të shihen si mungesë respekti”.