Vladimir Putin duhet të quhet sundimtari i Rusisë dhe jo President! Ky është propozimi i një partie politike të afërt me Kremlinin. Partia liberal demokrate e djathtë, e rusisë, thotë se termi ‘sundimtar’, pavarësisht konotacionit të tij autokratik, është termi korrekt sllav për liderin rus dhe i shkon më për shtat staturës së Putinit. Mediat ruse, citojnë zyrtarët e kësaj partie të thonë: Termi president, është përdorur për të parën herë në fund të shekullit të 18 në SHBA dhe më pas është përhapur në të gjithë botën. Në vendin tonë, sipas standarteve historike, kjo është përgjithësisht një fjalë e re”. Ideja, është në fakt në një linjë me atë cka po ndodh në të vërtetë në Rusi, ku me shtyzën e Kremlinit për tiu kundërvënë sanksioneve të perëndimit, po promovohen zëvendësues rusë për produktet, markat dhe fjalët perëndimore. Kremlini e përdor partinë liberal demokrate, që ka 22 vende në dumën ruse me 450 deputetë, për të lëshuar disa prej ideve më ekstreme të tij. Në varësi të faktit se sa kundërshti apo mbështetje tërheqin këto ide, atëherë kremlini bën përpara duke i rrëzuar apo konkretizuar ato.