Qeveria me propozimin dhe Kuvendi me miratimin e ndryshimeve në formulën e përllogaritjes së pagës së magjistratëve shkelën Kushtetutën. Ky është vendimi i Gjykatës Kushtetuese, që me shumicë votash pranoi kërkesën e Unionit dhe Shoqatës së Gjyqtarëve për shfuqizimin e ndryshimeve të qershorit 2025 në ligjin për statusin e magjistratëve. Tre vite më parë Kuvendi ndryshoi referencën e pagës së magjistratëve nga përllogaritja si të barazvlefshme me pagën e drejtorit të drejtorisë së përgjithshme në Kryeministri, në 36 për qind të pagës së Presidentit të Republikës. Paga magjistratëve në atë kohë ishte në nivelin e 150 mijë lekëve, aq sa ishte niveli i pagës së shefit të kabintetit në Kryeministri. Por, pas këtyre ndryshimeve ligjore, paga e drejtorit të drejtorisë së përgjithshme në Kryeministri është rritur në 231 mijë lekë, ndërsa ajo e magjistratëve është rritur me 570 lekë.