Sali Berisha thotë se negociatat e Shqipërisë për anëtarësim me Bashkimin Europian po bëhen mbi lobime korruptive dhe po përmes këtyre lobimeve nga ky proces, sipas tij, nuk është përjashtuar vetëm opozita, por të gjithë qytetarët shqiptarë. Berisha - “Nëse serbët, maqedonasit marrin informacion të saktë pas çdo takimi në Bruksel, qeveria shqiptare nuk publikon asnjë fjalë të vetme që vendos fatin e vendit. Çfarë është raporti IBAR? Është raporti i vlerësimit të ndërmjetëm të dy kapitujve kryesorë. Ju duhet ta dini që opozita merr vesh përmes miqve të saj, sepse qeveria nuk jep asnjë njoftim. Shqipëria nuk ka proces transparent, por e bazon në lobime të turpshme. I bëj thirrje KE-së, BE-së, vendeve anëtare të denoncojnë këtë praktikë të turpshme. Asnjë vend nuk e ndjek. Ngrihen këtu dhe akuzojnë opozitën për fjalime që mban në Strasburg për kërkesat që paraqet. Kreu i PD deklaroi se veç kriterit gjeopolitik, Shqipëria nuk përmbush asnjë kriter të kërkuar nga BE për anëtarësimin e plotë.