Me rritjen e kostos së jetesës, veçanërisht të çmimeve të ushqimeve, qeveria vendosi të indeksojë me 2.7 për qind pensionet. Ministrja Delina Ibrahimaj shpjegoi se duke filluar nga data 1 korrik, nga ky vendim do të përfitojnë rreth 900 mijë pensionistë. “Ne sot në mbledhje miratuam indeksimin e pensioneve për vitin 2026. Është një vendim që tashmë po kthehet në shtratin që ka pasur. Të gjitha pensionet e pleqërisë, por edhe pensionet e veçanta, janë rreth 900 mijë përfitues të cilët nga data 1 korrik do kenë të aplikuar indeksimin me 2.7 për qind.” 300 kuota të reja u hapën për kredi të buta, me normë interesi zero, që do të mund të përfitohen nga punonjës të policisë së shtetit, arsimtarët, mjekët, inferemierët dhe ushtarakët. Sot miratuam kuotat për 300 kredi të buta që do jepen me normë interesi 0, për disa kategori të administratës publike, bëhet fjalë për punonjës të policisë së shtetit që do kenë 70 kuota, arsimtarët, mjekë dhe infermierë dhe për ushtarakë. Në total janë 300 kredi dhe normat e interesit do subvencionohen nga buxheti i shtetit.” Thirrjet për rrëzimin e qeverisë, nuk munguan edhe gjatë komunikimeve të vendimeve të këshillit të ministrave. Në përgjigje të kërkesave të revolucionit të flamingove, ministrja Ibrahimja kujtoi se qeveria aktuale është votuar nga më shumë se 800 mijë votues, ndaj puna nuk do të ndalet.