Gjyqtarët dhe prokurorët e korrupruar, të cilët nuk kanë kaluar ende në filtrin e vettingut mund të përballen me pezullim të menjëhershëm nga detyra nëse kapen në shkelje. Qeveria ka dërguar për konsultim publik një projektligjin për ndryshime në ligjin ‘Për statusin e gjyqtarëve dhe prokurorëve në Republikën e Shqipërisë. Risia e këtij projektligji është ndryshimi i afatit të shqyrtimit të kërkesës të pezullimit të magjistratëve nga detyra. Më herët afati ka qenë tre ditor, ndërsa përmes kësaj nisme synohet që vendimi të merret nga Këshilli i Lartë i Prokurorisë menjëherë pas kërkesës për pezullim. Këtë ndryshim ligjor, qeveria ja faturon vullnetit të qytetarëve në Këshillimin Kombëtar, ku pyetjes 10, nëse duhen pezulluar nga detyra gjyqtarët dhe prokurorët që nuk kanë kaluar ende procesin e vettingut, por vendimmarrjet e tyre rezultojnë haptazi në kundërshtim me ligjin, 74 për qind e të anketuarve i janë përgjigjur pozitivisht. Në relacionin shoqërues, kjo iniciativë konsiderohet si luftë ndaj fenomenit KÇK. Megjithatë, ajo që bie në sy, është se nuk ka asnjë ndryshim në nivelin e pagës që marrin magjistratët e pezulluar nga detyra. Sias ligjit në fuqi, magjistratët e pezulluar do të vijojnë të përfitojnë 75 për qind të pagës pa shkuar asnjë ditë në punë.