Kryetari i Partisë Demokratike të Kosovës, Memli Krasniqi tha se PDK nuk mundi ta votonte raportin e komisionit të përkohshëm për verifikimin e kuorumit dhe të mandateve të deputetëve, pasi sipas tij, kjo ishte anti-kushtetuese. Pas ndërprerjes së seancës konstituive, Krasniqi tha se pa dhënë dorëheqje Qeveria e Kosovës, PDK-ja nuk do të votojë pro këtij raporti. Krasniqi:Nuk mund të votojmë një raport të tillë, sepse është "Nuk mund të votojmë një raport të tillë, sepse është kundërkushtetues. Aktualisht në të njëjtën kohë që nga kryeministri Kurti e gjithë ministrat që janë zgjedhur deputet po tentojnë të mbajnë edhe pozitë ekzekutive dhe legjislative që ua ndalon kushtetuta e Republikës së Kosovës. Pra, Kushtetuta e thotë qartë që nuk mund të bëhesh deputet nëse je kryeministër, nëse je ministër, këta janë sepse nuk kanë dhënë dorëheqje. Në mungesë të një dorëheqje tillë, PDK nuk mund të votojë një raport, i cili është në kundërshtim me Kushtetutën. Nëse do të ndodhë ajo që është kërkuar qysh herët, pra dorëheqja nga pozicionet ekzekutive, atëherë mund të ndryshojë situata" Krasniqi u pyet rreth letrës së Kurtit për dorëheqje por tha se se “shteti është më i rëndësishëm se postimet e Facebooku-ut”.