Komandanti, qeni 2 vjec i familjes Biden, një pastor gjerman, ka kafshuar përsëri një tjetër agjent të shërbimit sekret. Sulmi ndodhi mbrëmjen e të hënës dhe oficeri mori ndihmë mjekësore në vendngjarje – tha shërbimi sekret në një deklaratë për shtyp të martën. Kjo është hera e 11-të që qeni kafshon një nga truprojat në shtëpinë e bardhë ose në shtëpinë e familjes Biden. Zëdhënësja e shtëpisë së bardhë, më herët, ka fajësuar për sulmet stresin e të jetuarit në shtëpinë e bardhë. “Sic e cini të gjithë, kompleksi i Shtëpisë së Bardhë mund të jetë unik dhe shumë stresues. Kjo është dicka që unë jam e sigurt se ju të gjithë e kuptoni”, tha ajo në korrik. Komandanti, është më i riu mes dy pastorëve gjermanë të familjes Biden. Incidentet e tjera kanë ndodhur në shtëpinë e presidentit dhe zonjës së parë në Delauer. Në korrik, zyrtarët e shtëpisë së bardhë thanë se ata po punonin me teknika të reja zbutjeje dhe trajnimi për Komandantin, pas një serie sulmesh ndaj personelit. Vetë shërbimi sekret ka pranuar edhe 10 incidente të tjera kafshimi më herët, nga komandanti. Një prej incidenteve ndodhi më 26 tetor të vitit të kaluar, kur zonja e parë Jill Biden nuk mundi ta mbante qenin nën kontroll. Rreth një javë më vonë, një tjetër oficer ishte kafshuar, madje dy herë. Më 11 dhjetor 2022, një agjent u sulmua në sy të presidentit Biden dhe u kafshua në krah dhe këmbë. Edhe qeni tjetër i Biden, Majori, është përfshirë në shumë incidente të ngjashme me agjentët e shërbimit sekret. Si pasojë ai është larguar nga shtëpia e bardhë dhe tani jeton me miq të familjes Biden. Komandanti mbërriti në shtëpinë e bardhë në 2021, kur ishte një këlysh. Ai ishte dhuratë nga vëllai i Biden, Xhejms. Familja Biden ka edhe një mace të quajtur Uillou.