“Imazhe të turpshme dhe të papranueshme nga Milano dhe Bolonja. Duhet të mbyllen këto qendra sociale të pushtuara nga komunistët dhe do t’ia kërkoj këtë ministrit përkatës”, kështu është shprehur zëvendëskryeministri dhe lideri i Legës së Veriut, Matteo Salvini, në një takim me qytetarë, pas disa manifestimeve që u pasuan me përleshje mes policisë dhe protestuesve në Bolonja. “Do të kërkoj një rivlerësim të të gjitha qendrave sociale të majta që janë të pushtuara ilegalisht sepse janë strofulla kriminelësh”, shpjego|i ai. “Në Bolonjë ndjekia e një polici me shkopinj, në Milano nxitja për të dhunuar një hebre, siç ndodhi në Holandë dhe kjo është e papranueshme në një vend si Italia. Pra si ministër, si zëvendëskryeministër, si prind dhe si kryetar i Legës së Veriut, do të kërkoj që të ndërhyhet menjëherë për të mbyllur këto strofulla kriminelësh që janë qendrat sociale komuniste”, shtoi Salvini. Edhe kryeministria meloni reagoi pas përleshjeve të regjistruara në Bolonja dhe shprehu solidaritet për forcat e policisë, që sipas saj, me vendosmëri dhe profesionalizëm u përballën me dhunën. Në protestën në Bolonja, grupet e krahut të majtë u përleshën me policinë ndërsa po protestonin kundër një tubimi që mbahej aty pranë nga aktivistët e ekstremit të djathtë. Ndërsa në milano, disa protestues pro palestinezë shprehën mbështetje për të rinjtë në amsterdam që sulmuan tifozët izraelitë të futbollit, këtë javë, në disa përleshje që autoritetet holandeze i përshkruan si antisemite.