Prej 31 marsit, po vijojnë punimet për ndërtimin e qëndrave të emigrantëve që pritet të menaxhohen nga Italia. Sipas parashikimeve qëndrat do të hapin dyert për të pritur emigrantët më 20 maj dhe do të jenë në gjendje të strehojnë deri në 3,000 emigrantë. Në qendrën e parë që ndodhet në Shëngjin do të zhvillohen procedurat e zbarkimit dhe identifikimit. Ndërsa në qendrën në Gjadër, rreth njëzet kilometra më larg, do të kryhen procedurat e mëvonshme. Autoritetet italiane do të jenë përgjegjëse për ruajtjen e rendit brenda kampeve ndërsa policia shqiptare do të jetë përgjegjëse jashtë kufirit të qëndrave dhe gjatë transportit të emigrantëve nga një zonë në tjetrën.