Policia e Pogradecit ka arrestuar këtë të dielë një 34-vjeçar, banues në Buçimas, pasi akuzohet se ai është një nga dy autorët që qëlluan me breshëri kallashnikovi drejt hotelit “Voloreka” në Tushemisht. Mariglen Topuzi i dënuar më parë për veprën penale “Shkatërrimi i pronës me zjarr”, është personi I arrestuar, ndërsa sipas njoftimit të policisë janë shpallur në kërkim dhe tre persona, të cilat dyshohet se janë bashkëpunëtor me të. Në cilësinë e provës materiale u sekuestrua 1 mjet motor tip “Suzuki”, pa targë, 2 skafandra të përdorura nga autorët, ku janë fiksuar prova biologjike dhe balistike të tyre, fishekë luftarakë, si edhe pamje filmike të filmuara nga kamerat e sigurisë. Policia njofton se po vijon puna për sqarimin e mëtejshëm dhe kapjen e tre personave të tjerë të shpallur në kërkim, të dyshuar si të implikuar në këto ngjarje.