Mario Përlleshaj, ka dorëzuar përmes avokatit mbrojtës kërkesën për zëvendësim mase sigurimi personal në gjykatën e apelit. 14-vjeçari Mario Përlleshaj, vrau me thikë bashkëmoshatarin e tij pranë shkollës ‘Fan Noli’, Martin Canin. Edhe më herët Apeli e ka refuzuar ankimin e avokatit të të miturit, i cili kërkoi një masë më të lehtë sigurie se ajo e ‘Arresti me burg’, me argumentin se Mario Përlleshaj e kushte kryer vrasjen në kushtet e vetëmbrojtjes. 14-vjeçari vijon të ndodhet në paraburgimin e të miturve të Kavajës. Prindërit e 14-vjeçarit Martin Cani I janë drejtuar me një letër amabasadës së SHBA-së në Tiranë, për të kërkuar drejtësi, ndërsa për rastin janë zhvilluar protesta të herë pas hershme nga shoqëria civile. Martin Cani mbeti viktimë e një sherri mes të miturish pas mbarimit të mësimit për sherre banale që mund ta kenë zanafillën edhe në rrjetet sociale. Ai u godit me thikë gjatë përleshjes nga bashkëmoshatari i tij Mario Përlleshaj, ndërsa shoku i tij po 14 vjeç Luis Meçja mbeti i plagosur. Ngjarja ngjalli reagime të shumta për sigurinë në shkolla, ndërsa prindërit në disa protesta kërkuan dorëheqjen e ministres së Arsimit. Po ashtu pas konsultimeve publike për të kufizuar ose ndaluar rrjetet sociale kryesisht Tik-Tok dhe SnapChat për të miturit, qeveria ka paralajmëruar se së shpejti do merren masa për rrjetin social TikTok.