Shërbimi Federal i Sigurisë i Rusisë, FSB, tha të dielën se personi i dyshuar për atentatin ndaj oficerit të lartë të inteligjencës ushtarake ruse Vladimir Alexeyev në Moskë është ndaluar në Dubai dhe i është dorëzuar Rusisë. Gjeneral-lejtnant Vladimir Alexejev, zëvendësdrejtor i GRU-së, krahut të inteligjencës ushtarake të Rusisë, u qëllua disa herë në një bllok apartamentesh në Moskë të premten, thanë hetuesit. Ai iu nënshtrua një ndërhyrjeje kirurgjikale pas të shtënave, thanë mediat ruse. FSB tha se një shtetas rus i quajtur Lyubomir Korba u ndalua në Dubai nën dyshimin si autor i atentatit. Ministri i Jashtëm rus Sergei Lavrov akuzoi Ukrainën se qëndron pas atentatit, i cili sipas tij ishte projektuar për të sabotuar bisedimet e paqes. Ukraina tha se ajo nuk kishte të bënte me të shtënat.