Brian Thompson, CEO i UnitedHealthcare, kompanisë më të madhe të sigurimeve në SHBA, u vra këtë të mërkurë në Neë York. Departamenti i Policisë përmes një deklarate deklaroi se ngjarja ndodhi rreth orës 06:40 të mëngjesit, me orën amerikanë. Thompson u qëllua për vdekje nga mbrapa shpine teksa ishte duke ecur më këmbë jashtë hotelit Hilton në Midtoën Manhattan. Ai u transportua në spital në gjendje kritike, por nuk mundi dot t’u mbijetojë plagëve të marra. Autori I cili mbante një xhaketë gri me kapuc dhe një cantë shpine, pasi hapi zjarr disa herë me pistoletë u largua fillimihst më këmbë e më pas I hipi një biçiletë duke humbur gjurmët mes rrugicave. Ende nuk dihet motivi I vrasjes, ndërsa një grup hetimor po punon për sqarimin e rrethanave të ngjarjes. Thompson u emërua shef ekzekutiv i UnitedHealthcare në prill 2021. Ai fitoi 10.2 milion dollarë duke punuar për kompaninë vitin e kaluar. 50-vjeçari filloi të punojë aty në vitin 2004 dhe ka mbajtur role të shumta drejtuese, duke përfshirë edhe CEO.