Që prej nisjes së pandemisë e deri në 25 shtator, në Shqipëri janë shënuar 373 viktima nga koronavirusi, ndërsa janë kryer 83 mijë e 911 testime, nga të cilat pak më shumë se 13 mijë kanë rezultuar pozitive. Aktualisht janë aktive 5363 raste, ku kryeson Tirana e më pas Durrësi, Shkodra dhe Elbasani, duke vijuar me të gjitha qarqet, Edhe në listën e qarqeve për numrin e viktimave, Tirana mban vendin e parë me 177 humbje jete, më pas Durrësi me 46, shkodra 40 e duke vijuar më zonat e tjera të vendit. Ajo që bie në sy ka të bëjë me faktin, që disa qarqe të vendit për shumë kohë nuk kanë pasur asnjë rast infektimi, por tashmë duket se përhapja gjeografike ka përfshirë të gjithë vendin, ndonëse metropoli mbetet zona më e goditur.