Një numër I madh afrikanësh me kombësi nga më shumë se 30 shtete I janë bashkuar Rusisë për të luftuar kundër Ukrainës. Në total janë më shumë se 1400 pjestarë që I janë bashkuar ushtrisë së Putinit, tha të premten ministri i Jashtëm ukrainas, Andriy Sybiha. Ai deklaroi se Rusia po josh afrikanë për të nënshkruar kontrata që i përshkroi si "barasvlershme me ... një dënim me vdekje", dhe u bëri thirrje qeverive afrikane t’i paralajmërojnë qytetarët e vet. “Shtetasit e huaj në ushtrinë ruse kanë fat të errët”, shkroi ai në X ndërs shtoi se: “Shumica e tyre dërgohen menjëherë në ato që quhen ‘sulme mishngrënëse’, ku vriten shpejt”. Afrika e Jugut tha të enjten se do të hetojë se si 17 shtetas të saj u bashkuan me forcat mercenare, pasi këta burra kishin dërguar thirrje për ndihmë për t’u rikthyer në shtëpi. Dhe, Kenia tha muajin e kaluar njoftoi se disa nga shtetasit e saj ishin ndaluar në kampe ushtarake nëpër Rusinë, pasi pavetëdijshëm u përfshinë në konflikt. Sybiha tha se numri i përgjithshëm i rekrutëve afrikanë mund të jetë më i madh se 1.400, që vijnë nga 36 vende, dhe se shumica e mercenarëve të huaj në duart e Ukrainës ishin kapur gjatë misionit të tyre të parë ushtarak. Ai tha se Ukraina do të japë të dhëna më të hollësishme për vendet dhe rajonet nga të cilat Rusia ka rekrutuar trupa.