Errësira dixhitale zbret mbi Moskën dhe vetëm një faktor mbetet i dukshëm: gjendja psikologjike në rritje e pasigurisë në të cilën Vladimir Putin duhet të jetojë, kwshtu shkruan Federico Fubini nw njw shrkim tw botuar Corriere Della Sera. “Për një javë, diktatori rus pezulloi plotësisht mbulimin e internetit celular në të gjithë kryeqytetin, një megalopol modern me mbi 13 milionë banorë. Ky ishte një vendim i panjoftuar, thjesht i zbatuar papritur për "arsye sigurie" të paspecifikuara dhe për një kohëzgjatje të panjohur.”, thuhet nw artikull ndwrsa bwhet me dije se Putin kishte urdhwruar çaktivizimin e aplikacioneve që konsideroheshin të pakontrollueshme, të tilla si WhatsApp, Telegram dhe platformat e mediave sociale si YouTube. Bllokimi i Telegramit madje shkaktoi probleme për ushtarët rusë në frontin ukrainas, ku ata përdorën platformën e themeluar nga Pavel Duron, tani në mërgim, për të komunikuar. Në vend të internetit të vjetër, të kontrolluar, por ende të përdorshëm, pushteti politik ka nxitur gjithnjë e më shumë përhapjen e një rrjeti mesazhesh dhe mediash sociale në duart e atyre që janë jashtëzakonisht afër Putinit. Platforma, e lançuar një vit më parë, quhet Max dhe kontrollohet nga grupi dixhital shtetëror VKontakte. Menaxherët e Max janë bankieri personal i Putinit, Stepan Kovalchuk, Vladimir Kyriyenko (djali i zëvendëskryetarit të administratës presidenciale të Kremlinit) dhe Mikhail Shelomov (djali i një kushëriri të udhëheqësit). Por ndërprerja dixhitale në Moskë, zemra e ekonomisë ruse, tani po bën një hap drejt të panjohurës, thuhet në artikull. Qasja në çdo faqe interneti ose shfletues celular ka ndaluar së funksionuari.