Që nga fillimi i pushtimit rus në shkallë të gjerë të Ukrainës, dhe veçanërisht pas krimeve brutale të zbuluara në Bucha pas tërheqjes së forcave pushtuese ruse shumë zëra kanë kërkuar që të bëhet gjithçka në mënyrë që presidenti Vladimir Putin të përfundojë në bankën e të akuzuarve në Hagë. Sipas “The Economist”, Presidenti ukrainas Vlodymyr Zelensky e ka shënuar ndjekjen penale të liderëve të lartë rusë si një nga dhjetë pikat për marrëveshjen e paqes. Por ekspertët thonë se Putin mund të mos përfundojë kurrë në Hagë si rezultat i dobësisë së sistemit ndërkombëtar të drejtësisë. Ndërsa drejtësia brenda vendeve ka statute të qarta dhe gjykata të themeluara, e drejta ndërkombëtare përcaktohet nga studiues juridikë pas nënshkrimit të traktateve dhe vendosjes së normave