Vladimir Putin ka dërguar mjete fluturuese të stilit të luftës së parë botërore në kufirin e natos. Mjete gjigande, të ngjashëm me Zeppelinët, janë shfaqur pranë estonisë, ndërsa moska po tenton edhe një herë të frikësojë perëndimin. Qyteti i Narvës, në Estoni, është bërë objektiv i rregullt i taktikave hibride të luftës të përdorura nga Putin, duke përfshirë edhe rastet e spiunazhit. Mjete të ngjashëm me Zepplinët janë shfaqur pothuajse cdo javë. Mjetet fillimisht ishin projektuar si pajisje anti-drone, duke lëshuar mbi ta rrjeta gjigante përpara se të godasin objektivin. Por tani ata po përdoren vetëm për propagandë kërcënuese. Policët estonezë fillimisht zgjodhën të injoronin zepelinin që u shfaq për herë të parë dhe u ul në anën ruse të kufirit, duke shpresuar se nuk do të kthehej. Por ai u kthye dhe këtë radhë mbante edhe shkronjën Z, simbol të pushtimit të Ukrainës. Që atëherë, Rusia ka sfiduar fatin e saj me mjetin fluturues gjigant dhe ka hyrë në mënyrë të rrezikshme në hapësirën ajrore të Narvës, duke kërkuar të ngjallë frikë në Estoni. Egert Belitsev, drejtor i përgjithshëm i policisë së Estonisë, tha se raste të tilla po shihen pothuajse cdo javë. Tensionet në kufirin prej 300 km, kanë vazhduar edhe muajt e fundit. Policët thonë se kanë parë një rritje drastike të incidenteve të sigurisë kufitare, si protestat e organizuara kundër Perëndimit dhe tentativa për kontrabandë të pjesëve të dronëve. Ka pasur gjithashtu përpjekje për të shtyrë emigrantët brenda kufirit të Estonisë. Rusia është akuzuar gjithashtu për vjedhjen e çuditshme të shenjave që përcaktojnë kufirin në rezervuarin Narva në tentativë për të dëmtuar aftësinë e estonisë për të monitoruar sulmet e mundshme. Estonia, që iu bashkua NATO-s dhe BE-së në vitin 2004, është një nga kundërshtarët më të zëshëm të Rusisë në të gjithë Evropën. Pas pushtimit të Ukrainës nga Rusia në vitin 2022, kryeqyteti i Estonisë Talini dërgoi ndihma ushtarake në ukrainë më shumë se cdo vend tjetër, duke patur frikë edhe për sigurinë e tij.