Dy foshnje dhe një i mitur janë mes shumë viktimave që humbën jetën pas një sulmi vdekjeprurës të rusisë në ukrainë, me presidentin Volodimir Zelenski që paralajmëroi se forcat e Vladimir Putinit do të vazhdojnë të godasin shënjestra civile. Një dron rus ra mbi një ndërtesë banimi në odesa, të shtunën, me fotot që tregonin shtëpitë e shkatërruara dhe një vrimë të madhe në njërën anë të ndërtesës nëntë katëshe. Një bebe katër muajshe dhe një fëmijë dy vjec, konfirmohen mes viktimave, ndërsa skuadrat e shpëtimit rrëmuan nën rrënoja për të gjetur të pajetë edhe një tjetër foshnje, pranë trupit të pajetë të nënës së tij. Një ditë zie është shpallur në qytet të dielën. Sulme të tjera janë regjistruar në rajonin e harkivit dhe në Herson e Zaporizhia, duke vrarë edhe tre persona të tjerë – thanë zyrtarët ukrainas. Presidenti zelenski tha se viktimat mund të ishin evituar nëse ukraina nuk do të përballej me vonesa në dërgimin e armëve dhe i kërkoi perëndimit të furnizojë vendin me më shumë sisteme të mbrojtjes ajrore për të shpëtuar jetët civile.