Putin duket se po përgatit forcat e tij të armatosura të kryejnë një test bërthamor në kufijtë e Ukrainës. Sipas britanikes Times, e cila citon një informacion që inteligjenca e NATOs i ka dërguar shteteve anëtare, ekziston mundësia që moska të testojë dronin nënujor Poseidon, të pajisur me një mbushje bërthamore. Sipas burimeve të tjera, një tren ushtarak rus i divizionit bërthamor është nisur në drejtim të Ukrainës. Pretendohet kështu që Putin do ta bëjë bërthamore luftën në ukrainë duke lëshuar një bombë në kufi, që do të ishte edhe një mesazh për perëndimin. Rusia këto kohë ka shtuar kërcënimet bërthamore ndërsa forcat e saj po shtyhen pas në fushëbetejë, edhe pasi moska aneksoi katër rajone të Ukrainës. Putin ka qenë i qartë në kërcënimet e tij ndërkohë që doktrina ushtarake ruse lë derën hapur për përdorimin e armëve bërthamore. Nëndetësja më e madhe e Vladimir Putinit, Belgorod, e cila mund të pajiset me torpedo bërthamore apokalipsi, është në lëvizje dhe vec kësaj, raportohet se edhe treni bërthamor po lëviz në rusi. Dhe tani, bota pret me frymën pezull të shohë nëse Putin do ti konkretizojë kërcënimet e tij apo jo, ndërkohw qw ushtria ruse po pëson disfata të turpshme dhe Ukraina i është drejtuar Khersonit. Sipas The Times, burime nga mbrojtja pretendojnë se një nga opsionet në tryezë për Putinin është që të lëshojë një armë bërthamore në kufi, në një demonstrim masiv force. Por për ta bërë këtë, atij i duhet të gjejë një zonë të gjerë mjaftueshme për të lëshuar armën pa dëmtuar njerëzit e tij. Dhe e gjithë kjo do të dërgonte një mesazh të qartë për ukrainën dhe perëndimin dhe do të tregonte se ai nuk ka frikë të përdorë bombat bërthamore në luftë, për të parën herë që nga fundi i luftës së dytë botërore.