Viti i ardhshëm do të jetë një periudhë e vështirë dhe e rrezikshme për Ukrainën. Kundërofensiva e saj, e cila filloi në qershor, bëri përparim modest në Bakhmut dhe në jug në provincën Zaporizhia. Por, municionet e kufizuara kushtet klimaterike pritet të ngadalësojnë ofensivën gjatë dimrit, megjithëse disa sulme të këmbësorisë do të vazhdojnë. Dimri ka të ngjarë të sjellë sulme me rreze të gjatë nga të dyja palët. Rusia ka grumbulluar raketa dhe ka të ngjarë të sulmojë sërish rrjetin elektrik të Ukrainës. Ukraina ka grumbulluar dronë dhe do të vazhdojë sulmet në Krimenë e pushtuar nga Rusia, e ndihmuar nga një injeksion i vogël i raketave të mbërritura nga Amerika. Sulmet mund të ngrejnë moralin e Ukrainës, por ndikimi i tyre strategjik pritet të jetë modest. Pyetja thelbësore për vitin 2024 është se cila palë do të mund të rindërtojë më shpejt artilerinë luftarake. Rusia rriti prodhimin në fushën e mbrojtjes në fund të vitit 2022 dhe mund të prodhojë më shumë se 2 milion predha gjatë vitit 2024, së bashku me qindra tanke të reja dhe të rinovuara. Koreja e Veriut po dërgon gjithashtu një numër të madh predhash, duke rritur më tej fuqinë e zjarrit rus. Ukraina nuk do të ketë një fluks tjetër masiv pajisjesh luftarake, siç ndodhi në pranverën e 2023. Fokusi do të jetë në ndihmën perëndimore për riparimin e pajisjeve. Një vendim kyç për qeveritë perëndimore është nëse ato rihapin linjat e prodhimit për armët që ata vetë nuk i prodhojnë më. Nëse asnjëra palë nuk mund të gjenerojë një kërcënim domethënës sulmues në vitin 2024, lufta ka të ngjarë të dominohet nga faktorë përtej fushëbetejës. Një samit i nato-s në Uashington në korrik do të shihet si një provë e mbështetjes perëndimore. Strategjia e Rusisë është e thjeshtë: të vazhdojë luftën derisa partnerët e Ukrainës të lodhen. Zyrtarët optimistë argumentojnë se lufta po përshpejton dekompozimin politik të Rusisë. Por pesimistët paralajmërojnë se Putin mund ta vazhdojë luftën për vite me rradhë. Pamjet: AFP