Presidenti Volodymyr Zelenski i tha parlamentit të Ukrainës të martën se lufta kishte arritur në një moment vendimtar, ndërsa u kërkoi qytetarëve të rezistonin dhe foli për një rritje të madhe të prodhimit të armëve sulmuese. Në një fjalim njëorësh për të shënuar 1000 ditë nga pushtimi i plotë i Rusisë, ai tha se Ukraina nuk do të bëjë Pazar me sovranitetin e saj dhe nuk do të heqë dorë kurrë nga e drejta mbi territoret e saj. Ai ndërkohë përjashtoi mundësinë e mbajtjes së zgjedhjeve të reja derisa të arrihet paqja. "Në këtë fazë të luftës, po vendoset se kush do të mbizotërojë - nëse do mbizotërojmë ne mbi armikun, apo armiku mbi ne ukrainasit... dhe evropianët, dhe të gjithë ata në botë që duan të jetojnë të lirë dhe të mos i nënshtrohen një diktatori”. Zelenski prezantoi atë që ai e quajti një "plan qëndrueshmërie" për vendin si një pjesë përbërëse e "planit të fitores" që ai u parashtroi aleatëve perëndimorë më herët në vjeshtë, dhe tha se ishte i nevojshëm për të detyruar Rusinë të negocionte një fund të luftës. Zelenski tha ndërkohë se Ukraina do të prodhojë të paktën