Presidenti rus Vladimir Putin do të vizitojë Kinën më 16 dhe 17 maj, udhëtimi i tij i parë jashtë vendit që nga fillimi i mandatit të ri si president, tha Kremlini të martën. “Me ftesë të presidentit kinez Xi Jinping, Vladimir Putin do të bëjë një vizitë shtetërore në Kinë më 16-17 maj, si udhëtimi i tij i parë jashtë vendit pas marrjes së detyrës”, tha Kremlini. Putin dhe Xi Jinping "do të diskutojnë në detaje të gjithë gamën e çështjeve të partneritetit gjithëpërfshirës dhe bashkëpunimit strategjik, do të identifikojnë fushat kryesore për zhvillimin e mëtejshëm të bashkëpunimit praktik ruso-kinez dhe do të shkëmbejnë pikëpamjet në detaje mbi çështjet më urgjente ndërkombëtare dhe rajonale", thuhej në deklaratë. Kremlini tha se pas takimit të dy liderët do të nënshkruajnë edhe një deklaratë të përbashkët.