Një ish manjat nafte, që ka kaluar 10 vite në burg pasi u bë jo i pëlqyer nga Vladimir Putin, thotë se presidenti rus është cmendur pasi urdhëroi pushtimin e ukrainës. Mikhail Khodorkovski, që dikur besohej se ishte njeriu më i pasur në Rusi, foli ndërsa trupat ukrainase po luftojnë me ato ruse, që i janë afruar tashmë edhe kryeqytetit Kiev. Ish manjati u arrestua nga autoritetet ruse në 2003 dhe u akuzua për mashtrim, larje parash dhe korrupsion. Ai u la i lirë në 2013-ën dhe u largua për në londër ku tani drejton një fondacion që ka si qëllim ekspozimin e aktivitetit kriminal të kremlinit. Duke folur për The Times, ai u përpoq të shpjegonte veprimet e putinit pasi presidenti rus tronditi botën duke urdhëruar sulm të plotë mbi ukrainë. “Unë mendoj se ne nuk kemi të bëjmë me një person me shëndet të mirë mendor, ai është cmendur. Do ta bëjë rusinë të madhe sërish dhe në 50 apo 100 vite, do të kujtohet si sundimtari i madh i Rusisë”, thotë Khodorkovski. 58 vjecari Khodorkovski tha ndërkohë se Putin donte të merrte ukrainën, të shkatërronte mbrojtjen e saj dhe të instalonte një qeveri marionetë në Kiev. Perëndimi – tha ai – duhet ta ndihmojë ukrainën, duke armatosur njerëzit atje, përndryshe do të përballet me një pushtim të gjatë dhe të përgjakshëm.