NATO u detyrua të ngrejë në fluturim avionët e saj luftarakë në Poloni, mëngjesin e të martës, pasi Vladimir Putin përdori bombarduesit strategjikë për të sulmuar Ukrainën. Sulmet erdhën pavarësisht se Putin këmbënguli duke thënë se donte paqen "sa më shpejt të ishte e mundur". Rusia përdori bombarduesit strategjikë me aftësi bërthamore Tu-95MS, në sulmet e mëngjesit në Ukrainë, duke shkaktuar panik në Kiev ndërsa banorët nxituan për të hyrë në stacionet nëntokësore të metrosë. Shpërthime u dëgjuan në Kiev, Zhytomyr dhe Sumy, si dhe në rajonet e Kievit dhe Cherkasi-t. Po ashtu edhe dronët u përdorën në sulme me disa persona të lënduar. “Kujdes, për shkak të aktivitetit të aviacionit me rreze të gjatë të Federatës Ruse, objektivave të vendosura, veçanërisht, në perëndim të Ukrainës, aviacioni ushtarak ka filluar të operojë në hapësirën ajrore të Polonisë”, tha selia e komandës së operacionit të forcave të armatosura të Varshavës. Mbrojtja ajrore me bazë tokësore dhe sistemet e zbulimit të radarëve gjithashtu u "vunë në gatishmëri". Kjo vjen vetëm një ditë pasi një bombardues amerikan B-52 fluturoi më pak se 80 km larg nga kufiri rus në një shfaqje fuqie në përvjetorin e tretë të pushtimit të Ukrainës. Avioni B-52, i cili përshkruhet se i siguron SHBA-së 'aftësi të menjëhershme të goditjes bërthamore dhe konvencionale', fluturoi nga baza e forcave ajrore mbretërore në britani, Fairford, drejt shtetit që ndodhet në vijën e parë të NATO-s, i rrethuar nga avionë luftarakë F35 dhe F-A18. Avionët u vendosën në formacion në qiell, ndërsa një paradë ushtarake me më shumë se 1 mijë trupa të aleancës dhe tanke, u mbajt në Talin të Estonisë.