Vladimir Putin thuhet se është me pushime këtë javë, në pallatin e tij malor, ku ai do të dalë për gjueti drerësh, përpara bisedimeve të parashikuara me presidentin e ardhshëm të SHBA-së, Donald Trump. 72-vjeçari dihet se preferon qëndrimin në natyrë dhe shpesh herë ndër vite është prezantuar si një njeri i apasionuar pas jetës së egër, duke u shfaqur teksa kalëron mbi kalë, peshkon apo zhytet në ujëra të acarta. Avioni i tij Iljushin 96-300, që njihet ndryshe si Kremlini Fluturues, u zhduk nga ekranet e radarëve mbi rajonin e largët Altai, në Siberi, pas një fluturimi nga Moska, të hënën. Dy ditë më vonë, homologu i Air Force One, u shfaq afërsisht në të njëjtin vend, këtë radhë duke u kthyer në moskë. Disa kanale në telegram, sugjeruan se putin mund të ketë shkuar për disa ditë pushim në Altai, një pallat siberian që raportohet se ka një bunker të madh nëntokësor, të teknologjisë së lartë, dhe një termocentral të vetin. Thuhet se që atje, Putin mund të kontrollojë vendin në rast të një lufte bërthamore.