Qëndrimi i Rusisë mbi kushtet për një marrëveshje paqeje në Ukrainë nuk ka ndryshuar që nga viti 2024, ka deklaruar Kremlini këtë të hënë. Presidenti rus Vladimir Putin ka rideklaruar gjatë një interviste se Rusia do të vazhdojë me qëllimin e saj në fushëbetejë për të kontrolluar plotësisht katër rajonet, duke hedhur poshtë atë që ai e quajti një propozim të ri nga Ukraina për të frenuar armiqësitë në luftën më shumë se katërvjeçare. Ai tha se Ukraina kishte propozuar një ndalim të të sulmeve të ndërsjella me rreze të gjatë veprimi dhe se luftimet duhet të kufizohen në katër rajonet Donetsk, Luhansk, Kherson dhe Zaporizhzhia. zëdhënësi i Kremlinit, Dmitry Peskov tha se qendrimi I Moskës, njihet dhe nuk ka ndryshuar. Në një deklaratë për mediat, ai tha se qendrimi I Rusisë, njihet nga regjimi I Kievit, është i njohur mirë për negociatorët amerikanë dhe është plotësisht konsistent. Peskov tha gjithashtu Putin dhe Presidenti Bjellorusi Alexander Lukashenko kishin diskutuar luftën në Ukrainë në një takim fundjave përpara se Lukashenko të fluturonte për në Kinë për bisedime.