Evropa përballet me rreziqe të paprecedenta për furnizimet me gaz natyror këtë dimër, me rusinë që vazhdon të mbyllë rubinetat e gazsjellësve të saj. Ky është paralajmërimi i lëshuar nga një grup ekspertësh ndërkombëtarë të agjencisë ndërkombëtare të energjisë. Sipas tyre, një dimër i gjatë dhe i acartë, ose një valë e vonë të ftohti e ngjashëm me ‘Bishën nga Lindja’ të 2018-ës, mund të bëjë që gazi në rezerva në gjithë BE-në, të bjerë deri në pesë për qind këtë vit. Ka edhe frikë se kjo mund të cojë në blackout-e në evropë me agjencinë ndërkombëtare të energjisë që paralajmëron se nivelet e rezervave duhet të mbeten në 33 për qind deri në pranverë, për një dimër të sigurt dhe të përballueshëm. Dhe në një paralajmërim të hidhur, grupi ndërqeveritar me bazë në paris, tha se nuk mund të përjashtohet mundësia që rusia të mbyllë plotësisht rrjedhën e gazit drejt evropës ndërsa vazhdon ta përdorë gazin natyror si një armë politike. Aktualisht, rezerva e gazit natyror në evropë është thuajse 90 për qind, mbi objektivin e BE-së. Furnizimet me gaz nga rusia në evropë kanë rënë aktualisht me rreth 50 për qind, krahasuar me një vit më parë.