Ndërkohë që në Ukrainë vijon lufta, Rusia merr sot drejtimin e Këshillit të Sigurimit të OKB, organit më të lartë të sigurisë në botë. Hera e fundit që Rusia e mbajti presidencën e OKB ishte në shkurt të vitit të kaluar, kur Putin deklaroi "operacionin e tij special ushtarak" për Ukrainën. Katërmbëdhjetë muaj më vonë, dhjetëra mijëra njerëz janë vrarë, shumë prej tyre civilë, qytete janë rrënuar dhe Putin është paditur nga gjykata ndërkombëtare penale për rrëmbimin masiv të fëmijëve ukrainas. Gjykata Penale Ndërkombëtare me bazë në Hagë lëshoi një urdhër arresti për udhëheqësin rus.