Presidenti Joe Biden tha se kërcënimi i presidentit Vladimir putin për të përdorur armë taktike bërthamore është real, disa ditë pasi denoncoi dislokimin e armëve të tilla në Bjellorusi. Të shtunën, biden e cilësoi njoftimin e Putinit se Rusia kishte vendosur armët e para taktike bërthamore në Bjellorusi, ‘absolutisht të papërgjegjshëm”. “Kur unë isha këtu dy vite më parë dhe thashë se isha i shqetësuar për lumin Kolorado që po thahej, të gjithë më panë si të isha i cmendur”, i tha Biden një grupi donatorësh në kaliforni, të hënën. “Ata më panë njësoj edhe kur thashë se jam i shqetësuar se Putin mund të përdorë armët taktike bërthamore. Kërcënimi është real”, tha Biden. Javën e kaluar, presidenti bjellorus, Aleksander Lukashenko tha se vendi i tij kishte filluar të priste armët taktike bërthamore ruse, disa prej të cilave ai tha se ishin tre herë më të fuqishme se bombat atomike që SHBA lëshoi në Hiroshima dhe Nagasaki në 1945. Vendosja e këtyre armëve është lëvizja e parë e armëve të tilla me rreze të shkurtër veprimi, dhe më pak të fuqishme se armët bërthamore që mund të përdoren në fushëbetejë, jashtë rusisë që nga rënia e bashkimit sovjetik. SHBA ka thënë se nuk ka ndër mend të ndryshojë nivelin e gatishmërisë për armët e saj strategjike bërthamore, si reagim i këtij veprimi të Moskës dhe se nuk ka parë ende ndonjë shenjë se rusia po përgatitet të përdorë një armë bërthamore.