Shefi i inteligjencës ushtarake të Ukrainës, gjenerallejtnant Kirilo Budanov, thotë se Kievi është në dijeni të ekzistencës së "listave” ruse për vrasje të mësuesve, gazetarëve, priftërinjve ukrainas dhe të tjerëve. “Listat për ekzekutim përfshijnë mësues të gjuhës, letërsisë, historisë ukrainase, veteranë të operacionit antiterrorist, gazetarë, shkencëtarë, shkrimtarë, priftërinj të Kishës Ortodokse të Ukrainës, figura publike dhe politike, dhe krerët e autoriteteve shtetërore dhe të vetëqeverisjes”, tha Budanov. "Ne kemi qenë dëshmitarë të krimeve masive të tmerrshme kundër qytetarëve ukrainas, detajet e të cilave janë bërë të njohura për të gjithë botën. Krimet e njësive të forcave të armatosura ruse në Borodyanka, Bucha, Hostomel, Izyum, Mariupol dhe shumë vendbanime të tjera ukrainase kanë treguar se këto veprime të sinkronizuara bazohen në parime të qarta doktrinore dhe politikat gjenocidiale të qeverisë ruse dhe udhëheqjes ushtarake të rusisë”, tha ai.