Presidenti amerikan Donald Trump pretendon se Vladimir Putin po negocion në bisedimet e paqes Rusi-Ukrainë vetëm për shkak të tij, duke shtuar se ai është “i gatshëm të bëjë një marrëveshje”. Presidenti amerikan shtoi se Putini “ka qenë më i lehtë për t’u marrë vesh” sesa Presidenti ukrainas Volodymyr Zelensky gjatë negociatave. Në një intervistë të një dite më parë, Trump foli për takimin e tij shpërthyes me Zelenskyn në Zyrën Ovale në fund të shkurtit, duke thënë se udhëheqësi ukrainas kishte ngritur zërin. “Ai po kërkon më shumë, thjesht më shumë e më shumë, dhe nuk ka asnjë kartë në dorë”, tha Trump. “Nuk besoj se Vladimir Putini do ta bënte këtë për askënd tjetër përveç meje, shumë njerëz e kanë thënë gjithashtu”, shtoi ai. “Mendoj se ai do që të shkojë deri në fund, mendoj se është i gatshëm të bëjë një marrëveshje” – tha trump duke përsëritur se deri më tani ka qenë më e lehtë për të të përballej me putinin se sa me zelenskin.