Presidenti rus Vladimir Putin ka kërkuar që avionë luftarakë rusë ta shoqërojë atë në Turqi, duke ngadalësuar përgatitjet për një vizitë të mundshme të tij në vend në javët e ardhshme. Udhëheqësi i Kremlinit dëshiron të udhëtojë nën shoqërimin e avionëve luftarakë rusë në një lëvizje shumë të pazakontë që mund të cojë në aktivizimin e mekanizmit të mbrojtjes ajrore të NATO-s në Turqi, sipas një raporti të fundit. Turqia, një aleate e hershme e NATO-s, ruan një ekuilibër të kujdesshëm dhe shpesh të vështirë mes vendit të saj në aleancë dhe lidhjeve të saj me Rusinë. Kjo e fundit është bërë e sikletshme për shumë vende të NATO-s që nga fillimi i pushtimit të plotë të Ukrainës më shumë se dy vjet e gjysmë më parë. Ankaraja e ka quajtur veten paqebërëse, duke sinjalizuar mbështetje për përpjekjen e Ukrainës për t'iu bashkuar NATO-s, duke mbajtur të hapura linjat e komunikimit, dhe lidhjet e furnizimit me energji, me Moskën.