‘SHBA-të dhe Rusia po fillojnë të bashkëpunojnë, falë Donald Trump’, ka deklaruar presidenti rus Vladimir Putin këtë të premte në një dalje për gazetarët. Ai tha se falë Trump, marrëdhëniet midis Rusisë dhe Shteteve të Bashkuara po fillojnë të stabilizohen në disa mënyra. Sipas mediave shtetërore ruse, Putin deklaroi se Moska është e gatshme të zhvillojë një raund të ri negociatash paqeje me Ukrainën. Rusia, tha ai ka planifikuar të shkurtojë shpenzimet ushtarake në planin afatgjatë. Presidenti rus u shpreh Moska po përballet me presione buxhetore për shkak të rritjes së shpenzimeve të mbrojtjes, të cilat kanë nxitur inflacionin. Putini shtoi se Rusia është gati të kthejë trupat e 3,000 ushtarëve të tjerë ukrainas. Në negociatat e mbajtura në Stamboll më 2 qershor, Ukraina dhe Rusia ranë dakord të shkëmbenin një total prej 12,000 trupash të ushtarëve të rënë.