Shkencëtarët rusë kanë krijuar një skuadrilje pëllumbash spiunë të pajisur me implante në tru. Një firmë neuroteknologjike e Moskës e mbështetur nga Kremlini krenohet se operatorët e saj mund të drejtojnë tufa pëllumbash në qiell duke dërguar sinjale direkt në trurin e tyre. "Biodronët zogj" janë në fakt pëllumba të zakonshëm tek të cilët janë implantuar në mënyrë kirurgjikale çipa nervorë që u lejojnë teknikëve t’i drejtojnë ata. Testet në terren po kryhen duke përdorur zogj me elektroda në tru, të lidhura me një aparaturë të vogël që u vihet në shpinë, me energji diellore që përmban elektronikë, gjurmim GPS dhe një marrës. Kompania ruse e teknologjisë, Neiry, pretendon se "nuk kërkohet trajnim" dhe zogjtë mund të drejtohen nga distanca. Neiry pretendon se zogjtë mund të fluturojnë 500 km në ditë, ose më shumë se 30 mijë km në javë, në misione spiunazhi, por zogjtë më të mëdhenj së shpejti mund të përdoren edhe si armë.