Kanalet pro ruse në telegram kanë pretenduar se Vladimir Putin ka lëshuar bombën më të fuqishme jo-bërthamore në botë, në Ukrainë. E quajtur "Nëna e të gjitha bombave", pamjet e frikshme thuhet se tregojnë momentin kur arma shkatërrimtaree shpërthen në një top gjigant zjarri, e ndjekur nga një re tymi në formë kërpudhe. Videoja, e shpërndarë nga "Z-channels", faqe pro putinit në Telegram, tregon Vovchanskun, tashmë të djegur në rajonin e Kharkivit që goditet me bombën vdekjeprurëse termobarike ODAB-9000. Pavarësisht videos, ende nuk është konfirmuar nga zyrtarët e Ukrainës apo nga ata rusë nëse bomba e përdorur ishte në të vërtetë ODAB-9000. Shumë ekspertë kanë hedhur poshtë sugjerimin se Putini do të hidhte një armë kaq të fuqishme të arsenalit të tij, pa një arsye të fortë. Disa besojnë se bëhet fjalë për bombën termobarike më pak të fuqishme ODAB-1500. Të tjerë kanë spekuluar se shpërthimi masiv i ngjan atyre të bombave ajrore të frikshme FAB-3000 të përdorura nga forcat ruse kundër Ukrainës. Një tjetër teori është se bëhet fjalë për versionin më pak të fuqishëm FAB-1500. Burimet sidoqoftë thonë se bomba e frikshme ODAB-9000 do të kërkonte një avion të posacëm për ta transportuar atë mbi ukrainë. Bomba është aq e rëndë sa që do të duhej të vendosej në një bombardues strategjik rus si Tu-160, Tu-95 ose Tu-22M3. Ndërkohë, avionit do t'i duhej të fluturonte shumë afër tokës, duke u bërë kështu lehtësisht i zbulueshëm dhe i shënjestrueshëm nga një raketë tokë-ajër. Ngarkesa shpërthyese e ODAB-9000 cliron një presion dhe nxehtësi intensive, që mund të jetë vdekjeprurëse edhe për individë që ndodhen brenda bunkerëve. Ajo është projektuar për të shkatërruar pozicionet e armikut në një zonë të gjerë si edhe strukturat e fortifikuara lehtë. Një burim ukrainas thotë se pretendimi mund të jetë një përpjekje ruse për të demoralizuar ukrainën.