Presidenti rus Vladimir Putin urdhëroi kryerjen e stërvitjeve ushtarake provokuese në Mesdhe një ditë më parë, në një shfaqje të hapur të forcës ndaj Perëndimit. Agresioni i fundit i tij vjen mes tensioneve të mëdha të shkaktuara nga përparimi i rebelëve në Siri, ku ai mbron mikun e tij Bashar al-Assad. Kjo përkon po ashtu edhe me tensionin e thellë në Ukrainë dhe kishte për qëllim të tregonte se Rusia ka një shtrirje globale përtej oborrit të shtëpisë së vet. Moska lëshoi raketa hipersonike Zircon që fluturojnë me shpejtësi 12 mijë kilometra në orë, në mesdheun lindor. Ato u lëshuan nga fregatat moderne Admiral Gorshkov dhe Admiral Golovko. Të dy anijet luftarake operonjnë si pjesë e grupit të sulmit të marinës ruse, raportoi rrjeti televiziv rus Zvezda. Nëndetësja Novorossiysk lëshoi gjithashtu një raketë lundrimi Kalibr mbi një shënjestër në det. Ministria ruse e Mbrojtjes tha se një sistem raketor bregdetar Bastion nga bregu i Mesdheut, me sa duket Siria, kreu një "lansim luftarak të një rakete lundrimi Onyx". Ministria shtoi se gjithcka ishte pjesë e stërvitjeve ushtarake që përfshinë më shumë se 1000 trupa, 10 anije luftarake dhe anije mbështetëse, si edhe 24 avionë, duke përfshirë MiG-31I të armatosur me raketa hipersonike Kinzhal. Sipas Zvezdas, në stërvitje ishte përfshirë edhe sistemi raketor bregdetar rus Bastion. Stërvitjet u kryen nën mbikëqyrjen e komandantit të përgjithshëm të marinës ruse, admiralit Alexander Moiseyev. Disa ditë më parë, ai u dërgua në Siri mes trazirave në vend pasi rebelët morën Aleppon dhe alarmuan aleatin e ngushtë të Putinit, Presidentin Bashar al-Assad në Damask. Një mesazh kyç i lojërave të të luftës mund të jetë paralajmërimi se porti detar i Rusisë në Siri, Tartus, do të mbrohet fuqishëm. Një arsye thelbësore për përparimin e rebelëve në Rusi, ishte edhe fakti se Putini kishte tërhequr forca nga Siria për të luftuar në luftën e tij të përgjakshme në Ukrainë.