Një tjetër valë sulmesh me dronë u ndërmor nga Rusia në drejtim të Ukrainës. të paktën katër persona u vranë nga ofensiva në rajonin industrial të Dnipropetrovskut. Ky ishte sulmi i dytë vdekjeprurës në këtë zonë brenda javës nga Moska që po përpiqet të rimarë territorin në kohën kur negociatat e armëpusjhimit vijojnë të jetën të bllokuara. Guvernatori rajonal, Sergiy Lysak, tha se nga shpërthimet u plagosën edhe 17 persona të tjerë. ngjarja vjen pak ditë pas një tjetër sulmi të madh ku mbetën të vrarë 21 ukrainas dhe u plagosën qindra të tjerë. “Numri i viktimave në qytetin Samar ka arritur në katër. 17 persona janë plagosur. Shumica janë shtruar në spital. Dy burra dhe një grua janë në gjendje të rëndë. Të tjerët janë në gjendje stabile”, tha ai. Në disa ndërtesa shpërthyen menjëherë pas sulmeve flakët. Ndërsa zona digjej, forcat zjarrfikëse dhe ato të emergjencave u vendosën menjëherë në lëvizje për t’u ardhur në ndihmë të gjithë të lënduarve. Ndërkohë Forcat e Armatosura të Ukrainës thanë se 363 dronë dhe tetë raketa u lëshuan nga ana e forcave ruse. Që kur ka nisur lufta më 2022, Rusia ka mohuar vazhdimisht se shënjestron infrastrukturën civile, pavarësisht dëshmive të shumta që tregojnë të kundërtën.