Rusia do të vendosë së shpejti hovitzerët e saj më të rinj në distriktin ushtarak verior, që kufizohet me finlandën, pak muaj pasi vendi evropian iu bashkua nato-s, një lëvizje kjo që zemëroi Kremlinin. Testimi i njësive të reja të artilerisë ka përfunduar dhe prodhimi i tyre masiv ka nisur tashmë – tha Sergei Chemezov, shef i Rostec, për agjencinë shtetërore të lajmeve RIA. Seria e parë e këtyre armatimeve do të instalohet në fund të vitit – tha ai. “Unë mendoj se këto armatime do të shfaqen në distriktin verior ushtarak shumë shpejt pasi Hovitzerët e këtij klasi janë të nevojshëm për të siguruar avantazh kundër modeleve të artilerisë perëndimore në kuptimin e rrezes së veprimit”, tha Chemezov. Në 2021, presidenti rus Vladimir Putin ndryshoi statusin e flotës veriore ruse, zona e përgjegjësisë së të cilës ishte arktiku rus, duke e emërtuar atë distrikti ushtarak verior e duke i bashkëngjitur edhe rajonin e Murmanskut, që ndan kufirin me finlandën dhe norvegjinë.