Lufta që Vladimir Putin nisi në ukrainë, orët e para të së enjtes, mund të përhapet edhe përtej fqinjit jugor të rusisë, dhe kjo frikë është reale. Përvec paralajmërimeve nga disa zyrtarë të lartë perëndimorë, se pas Ukrainës, Putin ka në shënjestër edhe vende të tjera fqinje, edhe dëshmitë nga terreni flasin për një mundësi të tillë. Një gazetare bjelloruse, Hanna Liubakova publikoi një video që tregonte tanket ruse me shkronjën ‘V’ të shënuar mbi to, të pozicionuara në kufi me poloninë. Ajo e konsideron këtë si shenjë kërcënimi të presidentit rus ndaj NATO-s, duke qenë se polonia është vend anëtar i aleancës. Sipas gazetarës, tanket ruse janë të vendosura në Brest të bjellorusisë, vetëm pak kilometra larg polonisë. Gazetarja i ka kërkuar madje sqarime qeverisë bjelloruse, se cfarë po bëjnë këto tanke në këtë pikë, por nuk dihet nëse do të marrë apo jo një përgjigje. Shumë mister ka ndërkohë mbi shkronjat që janë shënuar në tanket ruse. Para se putin të niste sulmin mbi ukrainën, tanke dhe mjete të blinduara me shkronjën “Z’ të shënuar mbi to, lëviznin pranë kufijve ukrainas.