Rusia ka vendosur sistemet e saj anti ajrore përreth Moskës cka tregon se Vladimir Putin po merr masa kundër sulmeve të mundshme nga Ukraina. Putin ka vendosur tani sistemet e frikshme raketore të rusisë, S-400 në dy pika pranë kryeqytetit në mesin e frikës se Kievi mund të sulmojë vetë Moskën. Sistemi i mbrojtjes ajrore S-400 triumf, është i projektuar për të shkatërruar avionë, raketa kruiz dhe raketa balistike, përfshirë raketat me rreze të mesme veprimi. Ai mund të përdoret edhe kundër objektivave në tokë. Dislokimi i tij në Moskë, vjen pas dy sulmeve të dyshuara me dronë, nga ukraina, që goditën dy baza ajrore thellë në rusi, në dhjetor, duke dëmtuar edhe dy bombardues bërthamorë që mendohet se po përgatiteshin për një sulm në ukrainë. Sistemi S-400, që ka një rreze veprimi prej 400 kilometrash, është vendosur në fushat që i përkasin universitetit bujqësor shtetëror të rusisë, në veri perëndim të moskës. Një tjetër është vendosur në një park kombëtar në verilindje të qytetit. S-400 është në gjendje të qëllojë deri në 80 shënjestra në të njëjtën kohë dhe thuhet se mund të udhëtojë me një shpejtësi prej më shumë se 16 mijë km në orë. Banorët thonë se dislokimet janë një risi në moskë dhe nënvizojnë frikën e putinit për një sulm mbi qytetin më të madh të vendit.