Rusia ka nxjerrë në kinema filmin e parë të filmuar në hapësirë duke lënë pas kështu të tjerë si Elon Musk dhe Tom Cruise, që shpresonin se do të rrëmbenin titullin. Një nga aktoret kryesore të filmave në rusi dhe një regjisor, shkuan në stacionin hapësinor ndërkombëtar në 2021 për të krijuar projektin që u shfaq premierë në Moskë. "The Challenge" ose Sfida, tregon historinë e një kirurgu që u cua në hapësirë për të shpëtuar jetën e një astronauti që ndodhej në bordin e stacionit hapësinor ndërkombëtar. Regjisori, Klim Shipenko më herët ka deklaruar se filmi është ndërtuar mbi historinë e një personi të thjeshtë. “Një doktor që nuk kishte të bënte aspak me eksplorimin hapësinor dhe që nuk kishte menduar kurrë se do të mund të shkonte një ditë në stacionin hapësinor ndërkombëtar dhe të shpëtonte atje jetën e një kozmonauti”, tha ai. Vetë presidenti rus Vladimir Putin, përgëzoi kastin për filmin e vecantë në një ceremoni të zhvilluar në Kremlin, më herët këtë muaj. “Kjo është hera e parë që një film xhirohet në orbitë, në bordin e një anije hapësinore. Jemi edhe një herë të parët”, tha Putin. Filmi në të vërtetë ka lënë pas një tjetër konkurent amerikan, një projekt të hollivudit të njoftuar në 2020-ën, ku protagonist do të ishte Tom Cruise.